Masat e Riintegrimit nga Institucionet Publike

Regjistrimi Civil

Nëse keni nevojë të regjistroni fëmijën tuaj në zyrën e gjendjes civile apo të pajiseni me dokumente të regjistrit civil ju duhet të:

Informoni Zyrtarin Komunal për Komunitete dhe Kthim (ZKKK)

Drejtoheni tek zyrat e regjistrimit civil në komunën tuaj për t’u pajisur me dokumente.

Shërbimet Shëndetësore

Ofrohen nga institucionet publike shëndetësore të nivelit parësor, dytësor dhe tretësor si:

Qendrat e Mjekësisë Familjare në komunën tuaj;

Spitalet Regjionale;

Qendra Klinike Universitare e Kosovës.

Nëse shërbimet e nevojshme mjekësore nuk ofrohen nga këto institucione ju mund të paraqitni kërkesë për:

Kompensimin e shpenzimeve për trajtime mjekësore të cilat nuk ofrohen në institucionet publike shëndetësore deri në 12 muaj pas ardhjes tuaj në Kosovë.

Mbulimin e barnave të cilat nuk janë në listën esenciale të barnave në 12 muaj pas ardhjes tuaj në Kosovë.

Banimi

Nëse jetoni në kushte të vështira socio-ekonomike dhe plotësoni kriteret e përcaktuara me Rregulloren për Riintegrim ju mund të përfitoni:

mbulimin e qirasë për një periudhë deri në 12 muaj;

renovim ose rindërtim të vendbanimit pjesërisht ose plotësisht të shkatërruar;

sigurimin e mobiljeve;

sigurimin e ngrohjes nëse ktheheni gjatë sezonës dimërore.

Shkollimi i fëmijëve

Fëmijët tuaj mund të vazhdojnë menjëherë shkollimin në Kosovë.

Tregoni Zyrtarit Komunal për Komunitete dhe Kthim (ZKKK) që keni fëmijë dhe moshën e tyre

do t’ju referojë në Drejtorinë Komunale të Arsimit për të regjistruar fëmijën tuaj në afatin më të shkurtër të mundshëm.

Për nevojat e fëmijëve shkollat ofrojnë:  

Kurse të gjuhës dhe mësim plotësues për fëmijët e riatdhesuar që kanë nevojë për të ndihmuar integrimin e tyre në sistemin edukativo-arsimor;

Vlerësim të njohurive të nxënësit nëse u mungon dokumentacioni shkollor;      

Konsultime me pedagogun apo psikologun e shkollës.

Punësimi dhe Trajnimi

Zyrtari Komunal për Komunitete dhe Kthim (ZKKK) do të ju referojë në Zyrën e Punësimit në Komunën tuaj për:

Mundësitë e punësimit;

Mundësitë e aftësimit profesional, trajnim në punë, subvencionim në punësim.

Mundësitë për vetëpunësim dhe promovim të ndërmarrësisë (grante).

Asistenca Sociale

Nëse jeni në gjendje të rëndë socio-ekonomike

Qendra për Punë Sociale në Komunën tuaj bën vlerësimin e nevojave të familjes për të vendosur nëse mund të përfitoni nga shërbimet psiko-sociale dhe asistenca sociale  

Asistenca emergjente sigurohet nga Departamenti për Riintegrimin e Personave të Riatdhesuar dhe Integrimin e të Huajve (DRPRIH) menjëherë pas kthimit të personit (familjes) të riatdhesuar, bazuar në vlerësimin e nevojave.

Pas vlerësimit të nevojave, menjëherë pas kthimit personat e riatdhesuar mund të përfitojnë një pako 3-mujore (ushqimore, higjienike dhe materiale).

 E Drejta e Ankesës: Nëse ju është refuzuar kërkesa për përfitim, ju keni të drejtë ankese në Komisionin për Ankesa. Ankesën tuaj e dorëzoni në Zyrën Komunale për Komunitete dhe Kthim (ZKKK) në Komunën tuaj.